आयनल ग्रामपंचायतीचे अधिकृत संकेतस्थळ स्थापन करण्यामागील मुख्य उद्दिष्ट म्हणजे ग्रामस्थांना सुलभ, पारदर्शक व तात्काळ माहिती उपलब्ध करून देणे, शासनाच्या विविध योजना, सेवा व निर्णय गावकऱ्यांपर्यंत सहज पोहोचवणे, ऑनलाइन सेवांद्वारे प्रशासन अधिक सुलभ करणे, तसेच नागरिकांना सूचना व अभिप्राय देण्यासाठी एक डिजिटल मंच उपलब्ध करून देणे होय.

या संकेतस्थळाच्या माध्यमातून गावातील नागरी सुविधा, विविध विकासकामे, शासकीय योजनांची माहिती, तसेच आवश्यक फॉर्म्स व संपर्क तपशील एकाच ठिकाणी उपलब्ध करून देणे हे ग्रामपंचायतीचे मुख्य उद्दिष्ट आहे. यासोबतच आयनल गावाचा सांस्कृतिक व सामाजिक वारसा जतन करणे व त्याचा प्रसार करणे हेदेखील या उपक्रमाचा महत्त्वाचा भाग आहे.

माहिती अद्ययावत करणे ही एक निरंतर व अविरत चालणारी प्रक्रिया असल्यामुळे या संकेतस्थळावर वेळोवेळी आवश्यक बदल होत राहतील, अशी अपेक्षा आहे. सबब, संकेतस्थळाबाबत आपल्या मौल्यवान सूचना व अभिप्राय नेहमीच स्वागतार्ह राहतील.

पुनःश्च, या संकेतस्थळास भेट दिल्याबद्दल आपले मनःपूर्वक आभार!